Ինչպես անել առաջին քայլը. խորհուրդ սիրահարված կանանց

Տղամարդիկ սիրահարվելիս սովորաբար ավելի երկչոտ են դառնում, քան կանայք: Այս դեպքերում պետք է ղեկը վերցնել և ինքնուրույն առաջնորդել ձեր հարաբերությունները: 

Եղեք ինքնավստահ

Սա անհրաժեշտ է: Տղամարդիկ միշտ զգում են այդ ներքին ինքնավստահությունն ուժերի, սեփական կամքի հանդեպ: Մինչև առաջին քայլ անելը նախ աշխատեք ինքներդ Ձեզ վրա, Ձեր ներքին տրամադրվածության և իրականության ընկալման… Մի մոռացեք նաև արտաքինի մասին, հետևեք Ձեր տեսքին:

Ավելի հաճախ ժպտացեք

Սովորեք ճիշտ և բարեկիրթ կոկետություն անել, անկեղծ ժպտացեք, «ճիշտ» նայեք տղամարդուն, սովորեք զարգացնել խոսակցությունը: Իսկ ժպիտը պետք է մաքսիմալ անկեղծ և բնական լինի:

Օգնություն խնդրեք

Կապ չունի, թե ինչ օգնություն, կողմնորոշվեք ըստ իրավիճակի: Բոլոր տղամարդկանց էլ դուր է գալիս լինել ուժեղ, պաշտպանող, ամենակարող. պարգեւեք նրան այդ զգացողությունները:

Մի վախեցեք շփումից

Եթե Ձեզ դուր է գալիս այն տղամարդը, ում հետ Դուք պարբերաբար հանդիպում եք որևէ տեղ, կամ աշխատում եք կամ սովորում միասին, ապա դա զգալիորեն հեշտացնում է ձեր գործը: Սկզբի համար սկսեք շատ ջերմ բարևել: Քիչ հետո կարելի է արդեն խոսակցություն բացել ձեզ կապող որևէ բանի մասին: Կարևորը սկիզբն է, իսկ հետո խոսակցությունն ինքնըստինքյան կշարունակվի:

Եղեք անկեղծ և ջերմ. ամեն ինչ կստացվի:

Աղբյուրը՝ http://www.armzoog.ru/load/hetaqrqir/hetaqrqir_nyowt_39_er/inchpes_anel_ar'ajin_qayly'_xorhowrd_siraharvac'_kananc/20-1-0-680

 Ամենահետաքրքիր tumblr-ները

10 հարց, որ պետք չէ տալ տղամարդուն...

Երբեմն մի սխալ հարցը (հատկապես եթե այն անընդհատ կրկնվում է) կարող է կործանել անգամ ամենաամուր հարաբերությունները: Եվ այսպես, ի՞նչ չի կարելի հարցնել սիրած մարդուն:

   1. Այս զգեստն ինձ գիրացնու՞մ է

Սա ամենասարսափելի հարցն է, որ կարող եք տալ ձեր տղամարդուն: Հիշեք` բոլորը սիրում են ինքնավստահ աղջիկներին, իսկ այդ հարցը մատնում է ձեր անինքնավստահությունը: Ուստի ավելի լավ է այս հարցն ուղղել մայրիկին, քրոջը, ընկերուհուն կամ էլ անձնական ոճաբանին:

  2. Ինչի՞ մասին ես մտածում

Այս հարցի ամենատարածված պատասխանը «Ոչ մի բան»-ն է: Եվ դա այդպես է. մարդիկ երբեմն կարող են մտածել ամեն ինչի և ոչնչի մասին միաժամանակ: Այս հարցի անընդհատ կրկնությունը խոսում է նրա մասին, որ դուք նյարդայնանում եք նրա բացակա հայացքից կամ ցանկանում եք ղեկավարել նրա մտքերը:
       3. Եթե կարողանայիր համբուրել ընկերուհիներիցս մեկին, ու՞մ կընտրեիր

Այս հարցը նյարդայնացնում է, քանի որ ինչ անուն էլ նա տա, դա դժվար ձեզ ուրախացնի: Իհարկե, դուք իրականում ուզում եք, որ նա պատասխանի, որ անգամ 10 միլիոն դոլարի դիմաց նրանցից ոչ մեկին չի համբուրի, բայց տղամարդիկ դժվար այդքանը հասկանան:
        4. Քանի՞ երեխա ենք մենք ունենալու

Եթե ուզում եք, որ ձեր սիրելին փախչի ձեզնից և այլևս չվերադառնա, ապա շտապ հարցնում եք սա ու հանգստանում: Իհարկե, խոսքը գնում է հարաբերությունների սկզբնական շրջանի մասին:
        5.Եթե ես ավտովթարի ենթարկվեմ և մահանամ, որքա՞ն ժամանակ հետո նոր ընկերուհի կունենաս

Իսկ որքան դու՞ք կսպասեք, եթե նա, Աստված չտա, մահանա: Գուցե ձեր երազանքի տղամարդուն հանդիպեք հենց ձեր սիրելիի թաղման ժամանակ: Սիրո մեջ ոչինչ հնարավոր չէ գուշակել: Բացի այդ տղամարդիկ չեն սիրում, երբ մենք առանց որևէ պատճառի մեզ զոհ ենք ներկայացնում:
   

 

 6. Կնեղվե՞ս, եթե գամ ձեր տղաների խնջույքի

Իհարկե, նա կնեղվի: Տղամարդիկ իրենց գործերն ու խոսակցություններն ունեն, և երբեմն պետք չի իմանալ, թե ինչ են խոսում նրանք: Այդ պահին պատկերացրու, թե ինչ կլիներ, եթե նա գա ձեր աղջկական հավաքին ու ներկա լինի ձեր բամբասանքներին ու քննարկումներին:

       7. Անընդհատ այն աղջկան ես նայում, հավանո՞ւմ ես

Այս հարցը նույնպես մատնում է ձեր անինքնավստահությունը: Եվ դա սեքսուալ չի: Նա ձեզ հետ է և ոչ նրա, ուստի պետք չի ամեն մանրուքից խանդի տեսարան սարքել ու խնդիրներ առաջացնել:
     8. Քանի՞ ընկերուհի ես ունեցել մինչև ինձ...

Մի՞թե դուք իսկապես ցանկանում եք իմանալ այդ հարցի պատասխանը: Եվ ի՞նչ է դա ձեզ տալու: Իսկ դուք քանի՞ ընկեր եք ունեցել: Անցյալը փոխել հնարավոր չէ, բացի այդ ամեն մարդ էլ գաղտնիքների իրավունք ունի:
     9.Ու՞մ ես ավելի շատ սիրում` ի՞նձ, թե՞ մայրիկիդ

Տղամարդկանց 99%-ը չգիտի, թե որն է այս հարցի ճիշտ պատասխանը: Մոր և սիրելիի հետ հարաբերությունները լրիվ տարբեր բաներ են, ուստի պետք չի դրանք համեմատել:

       

10. Ինձ իսկապես սիրու՞մ ես

Այս հարցը հավասարազոր է նրան, որ ասեք` «Ես չեմ հավատում քո սիրուն»: Բայց դուք դա չեք ուզում ասել, չէ՞: Որոշ տղամարդիկ չեն սիրում խոսել զգացմունքների մասին, նրանք դրանք արտահայտում են արարքների միջոցով: Դա պետք է բավարար լինի:

                               Աղբյուրը՝ http://blog.liberal.am/index.php/hy/%D5%A5%D6%80%D5%AB%D5%BF%D5%A1%D5%BD%D5%A1%D6%80%D5%A4%D5%B8%D6%82%D5%A9%D5%B5%D5%B8%D6%82%D5%B6/1351-10-%D5%B0%D5%A1%D6%80%D6%81,-%D5%B8%D6%80-%D5%BA%D5%A5%D5%BF%D6%84-%D5%B9%D5%A7-%D5%BF%D5%A1%D5%AC-%D5%BF%D5%B2%D5%A1